Նախորդ շաբաթվա արդյունքներով Google ընկերության Chrome բրաուզերն առաջին անգամ հեղինակությամբ գերազանցել է իր գլխավոր մրցակից Microsoft ընկերության Internet Explorer-ին` համաշխարհային շուկայում զբաղեցնելով առաջին տեղը: Այս մասին են վկայում StatCounter ծառայության տվյալները:
Սերվիսի տվյալներով` մայիսի 14-20-ն ընկած ժամանակահատվածում Chrome-ի մասնաբաժինը կազմել է 32,76%, իսկ Internet Explorer-ինը` 31,94%: Մոտ կես տարի առաջ Chrome բրաուզերին առաջին անգամ հաջողվեց գերազանցել Mozilla ընկերության Firefox բրաուզերին, որն այժմ համաշխարհային շուկայում զբաղեցնում է 3-րդ տեղը` 25,47%-ով:
